Pönnu­kökur með karamelliseruðum bönunum

Jana heldur uppi heimasíðunni jana.is þar sem hún deilir hinum ýmsu uppskriftum en hér má sjá uppskriftina að próteinpönnukökunum með karamelliseruðum bönunum:

Hráefni:

100 gr hafrar

2 stk bananar

150 gr grísk jógúrt 

2 stk egg

2 msk kollagen 

1-2 msk akasíhunang

1 tsk vanilla

smá klípa af salti, lyftidufti og kanil

Aðferð:

Hrærið öllum hráefnum saman. 

Ég græjaði deigið í Vitamixerinum mínum. (Ef þið hrærið saman í höndunum, stappið banana og saxið jafnvel haframjölið smá til að fá það aðeins fínna)

Hitið smá smjör/kókosolíu á pönnu og steikið pönnukökurnar á annarri hliðinni.

Skerið svo auka banana í sneiðar og setjið nokkra banana bita ofan á pönnukökurnar og snúið þeim við.

Klárið að steikja og setjið á disk þegar þær eru klárar.

Njótið með bragðbættri grískri jógúrt, berjum og smá sætu.