Hetju­legur enda­sprettur dugði Slóvenum skammt

Danir með góð tök á leiknum bróðurpartinn úr honum og leiddu með fimm mörkum þegar um stundarfjórðungur var til leiksloka, og enn með fjórum mörkum, 31-27, þegar sjö mínútur voru eftir.

Þá varð alkul í sóknarleik Dana og Slóvenar minnkuðu muninn í eitt mark. Mikkel Hansen fór á vítalínuna þegar 14 sekúndur voru eftir og gat gulltryggt sigurinn en brást bogalistin. Slóvenar brunuðu í sókn og fengu aukakast um leið og leikklukkan rann út í sandinn. 

Aukakastið rataði ekki í netið og Danir því komnir í úrslit þriðju leikana í röð, þar sem þeir mæta Þýskalandi, lærisveinum Alfreðs Gíslasonar.