De Ligt þrisvar á topp­lista yfir þá dýrustu

De Ligt kostar enska félagið fimmtíu milljónir evra en það er langt frá því að vera það hæsta sem hefur verið borgað fyrir Hollendinginn á hans ferli.

De Ligt komst í tólfta sætið yfir dýrustu varnarmenn sögunnar með þessum kaupum en hann er líka í öðru sætinu sem og í sjötta sætinu.

Manchester United gerði Harry Maguire að dýrasta varnarmanni sögunnar þegar félagið borgaði Leicester 87 milljónir evra fyrir hann árið 2019.

De Ligt er í öðru sæti en Juventus borgaði Ajax 85,5 milljónir evra fyrir hann árið 2019.

Hann er líka í sjötta sætinu frá því þegar Bayern borgaði Juventus 67 milljónir evra fyrir De Ligt fyrir tveimur árum.

Transfermarkt tók topplistann saman og hann má sjá hér fyrir neðan.