Innlent

Er­lendum ríkis­borgurum fjölgað um fimm þúsund síðan í desem­ber

Hallgerður Kolbrún E. Jónsdóttir skrifar
Erlendum ríkisborgurum, sem eru búsetttir hér á landi, hefur fjölgað mun hraðar á síðustu átta mánuðum en Íslendingum.
Erlendum ríkisborgurum, sem eru búsetttir hér á landi, hefur fjölgað mun hraðar á síðustu átta mánuðum en Íslendingum. Vísir/Vilhelm

Erlendum ríkisborgurum, sem eru með skráða búsetu hér á landi, hefur fjölgað um sjö prósent á átta mánuðum. Á sama tímabili fjölgaði íslenskum ríkisborgurum um 0,4 prósent.

Þetta kemur fram í nýjum tölum frá Þjóðskrá. Þar segir að 1. ágúst síðastliðinn hafi alls 79.615 erlendir ríkisborgarar verið með skráða búsetu á Íslandi og hafði þeim þá fjölgað um 5.192 frá 1. desember í fyrra.

Mest fjölgun er af ríkisborgurum frá Úkraínu og Palestínu . Úkraínskum fjölgaði um 676 eða 17,1 prósent og ríkisborgurum frá Palestínu fjölgaði um 216 eða 40,1 prósent. Pólskum ríkisborgurum fjölgaði um 893 og eru nú 26.505 pólskir ríkisborgarar með lögheimili á Íslandi.

Á sama tímabili fjölgaði íslenskum ríkisborgurum um 1.228. Á heildina litið eru 80,34 prósent þeirra sem búsett eru hér á landi íslenskir ríkisborgarar og 19,66 prósent erlendir ríkisborgarar.

Mest lesið


Fleiri fréttir

Sjá meira


×

Mest lesið