Fótbolti

Orri sagður á leið til Sociedad fyrir þrjá milljarða króna

Henry Birgir Gunnarsson skrifar
Orri Steinn er hér í leik með FCK.
Orri Steinn er hér í leik með FCK. Getty/Ulrik Pedersen

Félagaskiptasérfræðingurinn Fabrizio Romano greinir frá því nú síðdegis að landsliðsmaðurinn Orri Steinn Óskarsson sé á leið til spænska félagsins Real Sociedad.

Samkvæmt heimildum Romano er kaupverðið rétt rúmir þrír milljarðar króna.

Búið er að orða íslenska landsliðsmanninn við spænska félagið síðustu daga og þessi tíðindi koma því ekki á óvart. Leikmannamarkaðurinn á Spáni lokar í kvöld og því síðustu forvöð fyrir félögin að styrkja sig.

Orri Steinn varð tvítugur í gær og þetta er því afmælisgjöf í lagi. Framherjinn hefur skorað tvö mörk í átta landsleikjum.

Hann hefur ekki bara verið undir smásjá Sociedad því ensku meistararnir í Man. City voru einnig með hann á radarnum hjá sér.

Fótbolti Spænski boltinn Danski boltinn

Mest lesið


Fleiri fréttir

Sjá meira


×

Mest lesið