Sport

Orð­laus Saba­lenka kom sá og sigraði í New York

Runólfur Trausti Þórhallsson skrifar
Sabalenka fór með sigur af hólmi í New York.
Sabalenka fór með sigur af hólmi í New York. EPA-EFE/BRIAN HIRSCHFELD

Aryna Sabalenka frá Hvíta Rússlandi stóð uppi sem sigurvegari á Opna bandaríska meistaramótinu í tennis eftir frábæran sigur á Jessicu Pegula í tveimur settum, 7-5 og 7-5, á Flushing Meadows-vellinum í New York.

Hin 26 ára Sabalenka komst í undanúrslit mótsins bæði 2021 og 2022 en á síðasta fór hún í úrslit en mátti þola tap gegn Coco Gauff. Í ár var hins vegar ekkert sem gat stöðvað Sabalenku.

„Ég er orðlaus. Ég man eftir öllum erfiðum töpunum. Þau segja að maður muni sjá ástæðuna seinna, ég sé ástæðuna núna,“ sagði Sabalenka eftir að sigurinn var í höfn.

„Það skipti ekki máli hvað gekk á, ég kom alltaf sterkari til baka og lærði af hverju tapi. Ég gaf drauminn aldrei á bátinn, þess vegna er þetta sérstakt,“ sagði meistarinn einnig.

Tennis

Mest lesið


Fleiri fréttir

Sjá meira


×

Mest lesið