Enski boltinn

Van Dijk vill vera á­fram hjá Liverpool

Óskar Ófeigur Jónsson skrifar
Virgil van Dijk gæti farið á frjálsri sölu frá Liverpool næsta sumar.
Virgil van Dijk gæti farið á frjálsri sölu frá Liverpool næsta sumar. Getty/ Nick Taylor/

Ensku blöðin slá því upp í morgun að fyrirliði Liverpool vilji fá nýjan samning hjá félaginu.

Mikil óvissa er uppi um framtíð hollenska miðvarðarins Virgil van Dijk þar sem að samningur hans rennur út næsta sumar.

Mirror, Daily Express og Daily Star segja öll frá því að Van Dijk vilji vera hjá Liverpool fram yfir heimsmeistarakeppnina 2026.

Hann er nú orðinn 33 ára gamall og hefur spilað með Liverpool frá því í janúar 2018.

Hann skrifaði síðast undir samning í ágúst 2021 en sá samningur rennur út í lok júní 2025.

Auk Van Dijk þá eru þeir Mohamed Salah og Trent Alexander-Arnold einnig að renna út á samning næsta sumar. Þessir þrír hafa verið í lykilhlutverkum hjá félaginu síðustu ár og hafa margir stuðningsmenn Liverpool áhyggjur.

Enski boltinn

Mest lesið


Fleiri fréttir

Sjá meira


×

Mest lesið