Innlent

Slegist með vopnum við skemmti­stað

Samúel Karl Ólason skrifar
Alls voru 104 mál á skrá hjá lögreglu eftir gærkvöldið og nóttina.
Alls voru 104 mál á skrá hjá lögreglu eftir gærkvöldið og nóttina. Vísir/Vilhelm

Lögreglunni á höfuðborgarsvæðinu barst í nótt tilkynning um slagsmál fyrir utan skemmtistað þar sem menn voru sagðir slást með vopnum. Lögregluþjónar frá lögreglustöð 3, sem sér um Kópavog og Breiðholt, voru sendir á vettvang og eru slagsmálin til rannsóknar.

Í dagbók lögreglu segir að miðað við þær upplýsingar sem fyrir liggi hafi enginn slasast.

Alls voru 104 mál bókuð í kerfi lögreglu frá gærkvöldin og til klukkan fimm í morgun. Þrír gistu í fangaklefum eftir nóttina.

Lögreglunni barst einnig tilkynning um innbrot í heimahús í Reykjavík og um líkamsárás við skemmtistað í miðbænum. Árásarmaðurinn fannst á vettvangi og var handtekinn.

Að minnsta kosti sex ökumenn voru stöðvaðir vegna gruns um akstur undir áhrifum áfengis og/eða fíkniefna. Þá höfðu þrír ökumenn áður verið sviptir ökuréttindum.

Lögreglumál

Mest lesið


Fleiri fréttir

Sjá meira


×

Mest lesið