Enski boltinn

„Við tökum stiginu“

Runólfur Trausti Þórhallsson skrifar
Pep ræðir við stjörnuframherja sinn, Erling Haaland, í leik dagsins.
Pep ræðir við stjörnuframherja sinn, Erling Haaland, í leik dagsins. EPA-EFE/ADAM VAUGHAN

„Þeir áttu sín augnablik á fyrstu tíu mínútum leiksins og eftir jöfnunarmarkið en að mestu spiluðum við virkilega vel,“ sagði Pep Guardiola eftir 1-1 jafntefli sinna manna í Manchester City gegn Newcastle United.

„Við tókum slæmar ákvarðanir þegar við hefðum getað komist 2-0 yfir. Það er alltaf erfitt að spila hér, þeir spila svo líkamlega fast og liggja svo aftarlega. Við fengum færi en Nick Pope var frábær í markinu hjá þeim svo við tökum stiginu.“

„Við spiluðum betur eftir að við skoruðum. Við gerðum mistök og eftir það spiluðu þeir betur. Síðan tók við yfir á nýjan leik og fengum færi til að sækja stigin þrjú.“

Að endingu hrósaði Pep miðjumönnum sínum en Englandsmeistararnir voru án Rodri í dag.

„Mateo Kovačić var magnaður, Rico Lewlis líka. Bernardo Silva spilaði líka virkilega vel þar.“

Fótbolti Enski boltinn

Mest lesið


Fleiri fréttir

Sjá meira


×

Mest lesið