Haaland baðst af­sökunar

Haaland hafði bætt markamet norska landsliðsins í 3-0 sigri á Slóveníu í leiknum á undan. Hann skoraði hins vegar ekki á móti Austurríkismönnum og var langt frá sínu besta. Liðið fékk auk þess stóran skell.

Haaland fékk fyrirliðabandið í fjarveru hinn meidda Martin Ödegaard og það var ekki vinsælt með norsku fjölmiðlamannanna þegar Haaland strunsaði fram hjá þeim eftir leik og gaf engin viðtöl.

„Hann hefur fullan rétt á því,“ sagði Sander Berge, liðsfélagi hans í norska landsliðinu. Það eru þó ekki allir sammála honum enda skyldur fyrirliðans að koma fram fyrir sitt lið.

Þetta tap þýddi að norska liðið datt niður í þriðja sætið í riðlinum en liðið hefur ekki komist á stórmót síðan sumarið 2000.

Haaland talaði ekki við norska fjölmiðla en hann fór inn á samfélagsmiðla eftir leik og baðst afsökunar.

„Fyrirgefið öll en þetta var allt of lélegt af minni hálfu,“ skrifaði Haaland en bætti svo við.

„Í nóvember ætlum við okkur að taka öll sex stigin,“ skrifaði Haaland.

Nú taka við leikir með Manchester City þar sem hann hefur farið á kostum í vetur og er þegar kominn með tíu mörk í fyrstu sjö leikjunum í ensku úrvalsdeildinni.