Styttir upp með kvöldinu og frystir um mest allt land

Þetta kemur fram á vef Veðurstofunnar þar sem bent er á að þeir sem hugi á ferðir milli landshluta sé bent á að fylgjast vel með veðurspá og upplýsningum um færð.

Með kvöldinu lægir verulega og styttir upp en frystir um mest allt land.

„Á morgun, föstudag er síðan von á næstu lægð, en vestan frá Grænlandi þetta skiptið. Gengur þá í suðaustanhvassviðri eða -storm með talsverðri rigningu um tíma og hlýnandi veðri. Snýst í hægari suðvestanátt með skúrum eða slydduéljum síðdegis og kólnar aftur, fyrst um landið vestanvert.

Þegar líður á helgina og fyrri hluta næstu viku verða lægðinar mun veikari og því minni vindur og einnig minni úrkoma. Eins má búast við að hitastigið verði líka allmennt lægra en dagana á undan,“ segir í hugleiðingum veðurfræðings á vef Veðurstofunnar.

Veðurhorfur á landinu næstu daga

Á föstudag: Gengur í suðaustan 15-25 m/s með talsverðri rigningu, hvassast á hálendinu, en úrkomuminna norðaustantil. Hiti 2 til 8 stig, hlýjast fyrir norðan. Snýst í suðvestan 13-20 síðdegis með skúrum, fyrst sunnan- og vestanlands og kólnar heldur í veðri.

Á laugardag (fyrsti vetrardagur): Vestan og suðvestan 8-15 m/s og skúrir eða slydduél, en bjartviðri fyrir austan. Hiti 1 til 5 stig. Norðlægari með éljum á norðanverðu landinu seinnipartinn, en styttir upp að mestu syðra og kólnar.

Á sunnudag: Ákveðin norðvestanátt með éljum við norðusturströndina, en annars yfirleitt hæg breytileg átt og léttskýjað. Frost 1 til 7 stig, en sums staðar frostlaust við ströndina.

Á mánudag: Suðlæg átt, 3-10 m/s. Víða rigning eða slydda og hlýnar heldur. Vestlægari um kvöldið, dregur úr úrkomu og kólnar.

Á þriðjudag: Suðvestanátt með skúrum eða slydduéljum S-til og hita að 7 stigum en hæg breytileg átt fyrir norðan, dálítil él og hiti nálægt frostmarki.

Á miðvikudag: Útlit fyrir breytilega vindátt með stöku éljum og víða vægt frost, en frostlaust syðst og úrkomulítið.