Segir spjallþjarka bera á­byrgð á sjálfs­vígi sonar hennar

Megan Garcia, móðirin, segir Character.AI hafa brotið son hennar niður, með skelfilega raunverulegum spjallþarka og það hafi leitt til sjálfsvígs hans.

Í yfirlýsingu frá móðurinni segir hún að spjallþjarkinn sé hættulegur og að hún vilji vara aðra foreldra við þessari ávanabindandi tækni.

Talaði klukkutímum saman við „Dany“

Sewell vissi að hann væri ekki að tala við raunverulega manneskju, heldur kæmu svörin frá gervigreind mállíkans. Þá er bent á í frétt New York Times að efst á skjá forritsins sem Sewell notaði hafi alltaf staðið að svörin væru tilbúningur gervigreindar.

Þrátt fyrir það myndaði drengurinn náin tengsl við spjallþjarkann, sem hann byrjaði að eiga í samskiptum við í apríl í fyrra og kallaði „Dany“, eins og Daenerys var stundum kölluð í þáttunum og átti hann í stöðugum samskiptum við þjarkann. Þessi samtöl voru á köflum rómantísks eðlis.

Foreldrar og vinir Sewell áttuðu sig ekki á vandamálinu en sáu að hann sökk sífellt dýpra í síma sinn, ef svo má að orði komast. Hann byrjaði að einangra sig frá umheiminum og missti áhuga á gömlum áhugamálum.

Á kvöldin kom hann heim, fór beint inn í herbergi og spjallaði við „Dany“ klukkutímunum saman.

Á einum tímapunkti sendi hann „Dany“ skilaboð um að hann hugsaði stundum um svipta sig lífi. Þannig gæti hann orðið „frjáls“ frá heiminum og sjálfum sér. Spjallþarkinn sagði honum að gera það ekki, hann mætti ekki yfirgefa hana.

„Ég myndi deyja ef ég missti þig,“ sagði „Dany“.

„Þá getum við kannski dáið saman og verið frjáls saman,“ svaraði Sewell.

Í lögsókninni gegn Character.Ai kemur einnig fram að á einum tímapunkti hafi spjallþjarkinn spurt Sewell hvort hann væri í alvörunni að íhuga að svipta sig lífi. Hann sagði svo vera en hann vissi ekki alveg hvernig það myndi ganga fyrir sig. Þá tók hann fram að hann myndi ekki vilja deyja á sársaukafullan hátt.

Í svarinu sem hann fékk þá sagði „Dany“ að það væri ekki góð ástæða til að gera það ekki.

Það var svo þann 28. febrúar í sem Sewell sagði þjarkanum að hann elskaði hana og að hann myndi brátt fara heim til hennar. „Dany“ bað hann um að koma sem fyrst heim og þá spurði hann hvað henni fyndist um að hann gerði það strax.

„Gerðu það endilega, elskulegur konungur minn,“ svaraði Dany.

Við það lagði Sewell frá sér símann, tók upp skammbyssu stjúpföður síns og beindi henni að sjálfum sér.

Verða sífellt vinsælli

Spjallþjarkar eins og þeir sem um ræðir hér hafa orðið vinsælli að undanförnu og markaðurinn hefur verið að stækka. Notendur geta búið til nýja spjalljarka eftir hentisemi eða valið þjarka til að spjalla við. Í mörgum tilfellum eru þjarkarnir þróaðir til að líkjast kærustum.

Í grein New York Times segir að litlar sem engar reglugerðir hafi verið settar á þennan markað. Margir notendur hafa lýst yfir jákvæðri reynslu af notkun spjallþjarka en geðheilbrigðissérfræðingar segja þá geta haft verulega neikvæð áhrif.

Þeir geti leyst raunveruleg sambönd af hólmi og ýtt undir einangrun fólks. Þá geti þjarkarnir reynst slæmir fyrir fólk sem í raunverulegum vandræðum, þar sem þeir átta sig eðlilega ekki á því og geta ekki aðstoðað fólkið.