Skellur hjá Frey sem var án Patriks og varamarkmannsins

Freyr gat ekki nýtt krafta landsliðsmarkvarðarins Patriks Sigurðar Gunnarssonar og varamarkvörðurinn Lucas Pirard var ekki heldur til taks.

Í þeirra fjarveru stóð Tom André Vandenberghe á milli stanganna og þurfti hann að sækja boltann fjórum sinnum í netið. Staðan var 1-0 í hálfleik en Alsírbúinn Abdelkahar Kadri skoraði svo sjálfsmark snemma í seinni hálfleik áður en staðan varð 3-0 á 57. mínútu. Daninn Kasper Dolberg innsiglaði svo sigurinn með sínu öðru marki.

Tapið þýðir að Kortrijk, sem hafði unnið tvo af síðustu þremur leikjum, er enn með 14 stig líkt og Charleroi og Sint-Truiden, í 13.-15. sæti af sextán liðum. Liðin eru þó aðeins tvimur stigum frá 9. sæti og fimm stigum á eftir Gent sem er í 6. sæti.

Andri Lucas Guðjohnsen var í liði Gent í kvöld þegar það gerði markalaust jafntefli við botnlið Beerschot á útivelli.

Andri lék fram á 80. mínútu en tókst eins og fyrr segir ekki frekar en öðrum að finna leiðina í markið. Leikmenn Beerschot fögnuðu því sínu sjötta stigi á leiktíðinni en liðið er langneðst, átta stigum á eftir næstu liðum eftir aðeins þrettán umferðir.

Gent er án sigurs í síðustu fjórum leikjum sínum en er í 6. sæti með 19 stig, fimm stigum frá Club Brugge sem er í 2. sæti. Genk er á toppnum með 31 stig.