Innlent

Rýming í Bláa lóninu og Grinda­vík gengur vel

Lovísa Arnardóttir skrifar
Úlfar Lúðvíksson, lögreglustjórinn á Suðurnesjum.
Úlfar Lúðvíksson, lögreglustjórinn á Suðurnesjum. Vísir/Einar

Úlfar Lúðvíksson lögreglustjóri á Suðurnesjum segir að rýming gangi vel í bæði Grindavík og Bláa lóninu. Miðað við upplýsingar um staðsetningu eldgossins og hraunflæði séu engir innviðir eða vegir í bráðri hættu akkúrat núna.

„En það má alltaf hafa áhyggjur af Grindavíkurveginum seinna,“ segir Úlfar en í fyrri gosum hefur hraun flætt yfir hann.

Úlfar telur að gist hafi verið í 50 til 60 húsum í Grindavík og að einhverjir næturgestir hafi verið í Bláa lóninu. Hann hafði ekki upplýsingar um fjölda sem þurfti að rýma að svo stöddu.

Vilhelm Gunnarsson ljósmyndari er kominn á vettvang og tók þessa mynd í kvöld.Vísir/Vilhelm

„Það er rýming í gangi og svo lokum við Grindavíkurvegi við Reykjanesbraut og setjum upp lokunarpósta á þeim stöðum sem við höfum sett á áður,“ segir Úlfar og að bærinn sé lokaður núna.

„Það fer enginn inn í Grindavík núna.“

Hægt er að fylgjast með nýjustu fréttum af eldgosinu í fréttinni og vaktinni hér að neðan. 

Eldgos og jarðhræringar Eldgos á Reykjanesskaga Grindavík Bláa lónið Lögreglumál Ferðamennska á Íslandi

Mest lesið


Fleiri fréttir

Sjá meira


×

Mest lesið