Sjáðu bombu Hákonar og Man. City í bobba

Hákon byrjaði að spila að nýju í síðasta mánuði, eftir tveggja mánaða hlé vegna meiðsla, og hefur nú skorað fyrir Lille í tveimur leikjum í röð.

Hann kom inn á sem varamaður á 80. mínútu í gær og skoraði skömmu síðar með þrumuskoti. Mörkin úr leiknum má sjá hér að neðan.

Englandsmeistarar Manchester City eru í slæmri stöðu eftir 2-0 tap á útivelli gegn Juventus, þar sem Dusan Vlahovic og Weston McKennie skoruðu mörkin í seinni hálfeik.

City er aðeins í 22. sæti, með átta stig eftir sex leiki, og á næst leik við annað lið í vanda sem er PSG sem situr í 25. sæti með sjö stig. Aðeins 24 lið komast áfram í keppninni.

Mörk úr nokkrum leikjum til viðbótar, þar á meðal 3-2 útisigri Barcelona gegn Dortmund, má sjá hér að neðan en öll mörk kvöldsins mátti sjá í Meistaradeildarmessunni og í Meistaradeildarmörkunum á Stöð 2 Sport 2 í gærkvöld.