Enski boltinn

„Allt er svo erfitt“

Valur Páll Eiríksson skrifar
Ruben Amorim segir allt vera erfitt í nýju starfi. Óvissa er um framtíð leikmanns hans Marcusar Rashford sem er honum hér á vinstri hönd. Einhverra aðgerða er þörf af hálfu Portúgalans.
Ruben Amorim segir allt vera erfitt í nýju starfi. Óvissa er um framtíð leikmanns hans Marcusar Rashford sem er honum hér á vinstri hönd. Einhverra aðgerða er þörf af hálfu Portúgalans. Getty/Justin Setterfield

„Sem stendur er allt svo erfitt,“ sagði Portúgalinn Rúben Amorim eftir 3-0 tap Manchester United fyrir Bournemouth á Old Trafford í Manchester í gær. Þetta sagði Portúgalinn á blaðamannafundi sem þurfti að slíta vegna leka í blaðamannaherberginu á Old Trafford.

Margur stuðningsmaður United bíður þess að Portúgalinn snúi gengi félagsins við en það hefur verið gloppótt frá komu hans frá Sporting í Lissabon. United tapaði fyrir Tottenham í deildabikarnum í miðri viku áður en kom að tapi gærdagsins.

„Hjá félagi eins og Manchester United, að tapa 3-0 á heimavelli, er virkilega erfitt fyrir alla.

„Auðvitað eru stuðningsmennirnir mjög vonsviknir og þreyttir. Maður finnur fyrir því á leikvanginum í fyrsta leik. Við fyrstu markspyrnu Andre Onana er hann að hugsa um hvað hann eigi að gera og ýtir við hinum strákunum og allir eru svo áhyggjufullir,“ sagði Amorim.

„Ég skil það, en við verðum að horfast í augu við það,“ sagði Amorim enn fremur.

Portúgalinn hefur stýrt United í níu leikjum hingað til. Fjórir hafa unnist, jafn margir tapast og einn farið jafntefli. United mætir Wolves á útivelli á annan dag jóla og fær Newcastle United í heimsókn 30. desember.

Enski boltinn Fótbolti

Mest lesið


Fleiri fréttir

Sjá meira


×

Mest lesið