Liverpool sjö sinnum áður verið toppliðið um jólin

TalkSport tók tölfræðina saman, frá stofnun úrvalsdeildarinnar árið 1992. 

Af þeim 32 skiptum hefur toppliðið 16 sinnum orðið meistari. Sagan segir því að það séu helmingslíkur á titli fyrir toppliðið um jólin. 

Liverpool er ekki fylgjandi þeirri stefnu og hefur sjö sinnum verið á toppnum um jólin, en auðvitað bara unnið einn úrvalsdeildar titil tímabilið 2020/21.

Manchester United hefur sömuleiðis setið á toppnum sjö sinnum, en aðeins mistekist tvisvar að landa titlinum. Arsenal tók titilinn í bæði skiptin 1997/98 og 2003/4.

Skytturnar hafa hins vegar aldrei verið á toppnum um jólin í þau þrjú skipti sem þeir hafa unnið titilinn, þeir tóku titilinn af Newcastle 2001/2.

Chelsea, Blackburn og Manchester City eru einu liðin sem hafa alltaf unnið deildina eftir að hafa verið á toppnum um jólin.

City hefur einnig afrekað það að vera fyrir utan efstu fjögur sætin um jólin, en verða síðan meistari. Það gerðist í fyrra þegar liðið var í fimmta sæti um jólin, sex stigum frá toppliði Arsenal og með leik til góða.

Sem stendur er staðan þó töluvert verri, City er í sjöunda sæti og tólf stigum frá toppliði Liverpool, sem á leik til góða gegn Everton.