Emilía til Leipzig

Á síðasta tímabili varð Emilía tvöfaldur meistari með Nordsjælland og var markahæst í dönsku úrvalsdeildinni.

Emilía, sem er nítján ára, á íslenskan föður og danska móður. Hún lék fyrir yngri landslið Danmerkur en var í fyrsta sinn valin í íslenska A-landsliðið í maí síðastliðnum. Emilía hefur leikið fjóra landsleiki fyrir Ísland.

Emilía skrifaði undir fjögurra ára samning við Leipzig sem er í 6. sæti þýsku úrvalsdeildarinnar af tólf liðum.

Á síðasta tímabili endaði Leipzig í 8. sæti sem nýliði. Kvennaliði félagsins var ekki komið á koppinn fyrr en 2016.