Ronaldo segir að storminn muni lægja undir stjórn Amorim

Gengi United hefur ekki verið upp á marga fiska á tímabilinu og það hefur lítið batnað síðan Amorim tók við stjórnartaumunum í byrjun nóvember.

United hefur tapað fimm af fyrstu tíu leikjum sínum undir hans stjórn og þá hefur liðið þurft að sætta sig við tap í síðustu þremur leikjum.

„Hann gerði frábæra hluti í Portúgal með mitt lið [Sporting], en enska úrvalsdeildin er önnur skepna. Sterkasta deild í heimi,“ sagði Ronaldo um landa sinn.

„Ég vissi að þetta yrði erfitt hjá þeim og að þeir myndi halda áfram í gegnum storminn. En storminn mun lægja og sólin mun skína á ný.“

„Ég krossa fingur og vona að þetta gangi vel hjá honum. Ég vil það besta fyrir Manchester United því það er klúbbur sem ég elska enn,“ bætti Ronaldo við.