Enski boltinn

Skoraði í ensku og dreif sig síðan í Ally Pally

Óskar Ófeigur Jónsson skrifar
Það var nóg að gera hjá Brennan Johnson í gær. Hann fagnar hér marki sínu á móti Wolves.
Það var nóg að gera hjá Brennan Johnson í gær. Hann fagnar hér marki sínu á móti Wolves. Getty/Charlotte Wilson

Velski knattspyrnumaðurinn Brennan Johnson var á skotskónum með Tottenham í ensku úrvalsdeildinni í gær en þrátt fyrir að það væri leikdagur þá lét hann sig ekki vanta á kvöldleikina á heimsmeistaramótinu í pílu.

Johnson kom Tottenham í 2-1 á móti Wolves en Úlfarnir náðu að jafna metin og tryggja sér stig.

Johnson mætti síðan í Ally Pally til horfa á landa sína Jonny Clayton og Gerwyn Price keppa í gær. Price hafði betur 4-2 og er því kominn í átta manna úrslitin.

Með Johnson var einnig James Maddison, liðsfélagi hans í Tottenham.

Alexandra Palace er ekki langt frá heimavelli Tottenham þar sem leikur liðsins fór fram í gær. Bílferðin tekur um þrettán mínútur en höllin er í tæplega sex kílómetra fjarlægð frá leikvanginum.

Sextán manna úrslitin klárast í dag þegar fara fram sex viðureignir. Vodafone Sport sýnir beint frá öllu saman. Útsending frá fyrri hlutanum hefst klukkan 12.25 en kvöldhlutinn hefst síðan klukkan 18.55.

Enski boltinn Pílukast

Mest lesið


Fleiri fréttir

Sjá meira


×

Mest lesið