Pall­borðið: Hitað upp fyrir HM

Pallborðið hefst klukkan 14:30 og verður sýnt á Stöð 2 Vísi. Einnig verður hægt að horfa á Pallborðið í spilaranum hér fyrir neðan.

Ásgeir Örn og Einar verða íþróttadeild Stöðvar 2 og Vísis til halds og trausts á meðan HM stendur og verða meðal annars gestir í hlaðvarpinu Besta sætið sem verður tekið upp eftir alla leiki Íslands á mótinu.

Þeir Ásgeir Örn og Einar munu fara yfir möguleika Íslands á HM með Stefáni Árna í Pallborðinu. Einnig verður rætt við íþróttafréttamenn Stöðvar 2 og Vísis sem eru úti í Zagreb þar sem riðill Íslands verður leikinn.

Leikur Íslands og Grænhöfðaeyja hefst klukkan 19:30 og verður í beinni textalýsingu á Vísi. Fjallað verður ítarlega um leikinn í máli og myndum á Vísi í kvöld.