Komust yfir fjölda símanúmera leik­manna í ensku deildinni

Símanúmerin eru síðan notuðu til að reyna að svíkja pening af leikmönnunum.

Lekinn miklu er til umfjöllunar í enska blaðinu Daily Mail.

Samkvæmt fréttinni eru félög í tveimur efstu ensku deildunum að vinna saman að því að stöðva stórfelldu fjársvikin. Sérfræðingar í slíkum málum hafa einnig reynt að aðstoða þau í því.

Leikmenn hafa verið varaðir við svikunum og þeim er ráðlagt að svara ekki símtölum úr óþekktum númerum. Þeir hafa líka reynt að lauma sér inn í spjallhópa leikmanna með því að þykjast vera stjarna sem hafi fengið sér nýtt símanúmer.

Þegar hefur verið reynt að svíkja pening út úr einhverjum leikmönnum en þeir fóru að lenda í slíku í byrjun þessa tímabils. Svikahrapparnir hafa einnig reynt að komast yfir persónulegar upplýsingar leikmanna.

Enginn hefur aftur á móti komist að því hvernig svikahrapparnir komust yfir öll þessi símanúmer.