Enski boltinn

Sektaðir fyrir að öskra á Michael Oliver

Ágúst Orri Arnarson skrifar
Leikmenn Arsenal létu Michael Oliver heyra það.
Leikmenn Arsenal létu Michael Oliver heyra það. Catherine Ivill - AMA/Getty Images

Enska úrvalsdeildarfélagið Arsenal var sektað um 65 þúsund pund, rúmar ellefu milljónir króna, vegna viðbragða leikmanna liðsins við rauða spjaldinu sem Myles Lewis-Skelly fékk í leik gegn Wolverhamton Wanderers.

Enska knattspyrnusambandið ákærði Arsenal fyrir að hafa ekki hemil á leikmönnum, sem veittust að dómaranum Michael Oliver. 

Arsenal gekkst við brotinu og samþykkti sektina áður en málið fór fyrir dómstóla.

Lewis-Skelly skildi ekkert í rauða spjaldinu.Mike Egerton/PA Images via Getty Images

Atvikið átti sér stað á 43. mínútu leiksins, Úlfarnir voru þá að bruna upp í skyndisókn sem Lewis-Skelly stöðvaði. Hann fékk beint rautt spjald og ákvörðunin var staðfest af myndbandsdómara.

Arsenal áfrýjaði spjaldinu hins vegar og fékk það fellt niður. Lewis-Skelly þurfti því ekki að sæta leikbanni.

Dómarinn Michael Oliver dæmdi líka leik strax helgina eftir, þrátt fyrir að hafa fengið morðhótanir eftir mistökin.

Enski boltinn

Mest lesið


Fleiri fréttir

Sjá meira


×

Mest lesið