Handbolti

Haukar fara til Bosníu

Ingvi Þór Sæmundsson skrifar
Össur Haraldsson og félagar í Haukum etja kappi við bosnískt lið í næstu umferð EHF-bikarsins.
Össur Haraldsson og félagar í Haukum etja kappi við bosnískt lið í næstu umferð EHF-bikarsins. vísir/ernir

Dregið var í átta liða úrslit EHF-bikars karla í handbolta í dag. Haukar mæta liði frá Bosníu.

Haukar drógust gegn Izvidac. Fyrri leikurinn fer fram á Ásvöllum 22. eða 23. mars en sá seinni í Bosníu síðustu helgina í mars. 

Haukar hafa þegar slegið út Cocks frá Finnlandi, Kur frá Aserbaídsjan og Jeruzalem Ormoz frá Slóveníu í EHF-bikarnum.

Valur vann keppnina í fyrra eins og frægt er orðið. Andstæðingar Vals í úrslitaleiknum þá, Olympiacos, mætir Runar Sandefjord frá Noregi í átta liða úrslitunum núna.

Þá dróst Minaur Baia Mare (Rúmenía) gegn Alkaloid (Norður-Makedóníu) og AEK Aþena (Grikkland) og Partizan (Serbíu) eigast við.

Slái Haukar Izvidac út mæta þeir AEK Aþenu eða Partizan í undanúrslitum keppninnar.

EHF-bikarinn Haukar

Mest lesið


Fleiri fréttir

Sjá meira


×

Mest lesið