Líf og fjör hjá Tiger og Trump

Þetta fullyrðir bandaríski slúðurmiðillinn PageSix. Þar segir að þau smellpassi saman. Þau hafi verið góðir vinir en síðan hafi hiti færst í leikinn. Þau eigi mikið sameiginlegt, séu vön því að vera í sviðljósinu en kunni á sama tíma að halda ástarmálum sínum út af fyrir sig.

Vanessa Trump er fyrrverandi eiginkona Donald Trump yngri. Þau skildu að borði og sæng árið 2018. Woods hefur ekkert átt sérstaklega gott mót í ástarlífinu. Hann skildi við eiginkonu sína Elin Nordegren árið 2010 eftir framhjáhald.

Hann hætti svo með fyrrverandi Ericu Herman árið 2023. Sambandsslitin vöktu mikla athygli enda sakaði hún hann um kynferðislega áreitni og höfðaði mál gegn honum. Sagði hann meðal annars hafa platað sig til þess að skrifa undir trúnaðarsamning um þeirra samband.

Trump hefur að sama skapi ekki verið í sambandi eftir að hún skildi við Donald yngri. Áður átti hún stormasamt ástarlíf. Hitti meðal annars stórstjörnuna Leonardo DiCaprio og prins af Sádí-Arabíu, Khalid bin Bandar bin Sultan Al Saud.

Í umfjöllun PageSix segir að þau Woods og Trump hafi byrjað að hittast í kringum Þakkargjörðarhátíðina í nóvember. Bæði búa þau í Flórída, í einungis um tuttugu mínútna fjarlægð frá hvort öðru. Sautján ára dóttir Vanessu, Kai Trump, gengur í sama skóla og tveir unglingssynir golfarans, þeir Sam og Charlie.

Heimildarmaður slúðurmiðilsins segir þau smellpassa saman. Henni sé alveg sama um gríðarlega frægð Tiger Woods, sé alls ekki stjörnustjörf og að hún myndi hafa áhuga á honum jafnvel þó hann væri ekkert þekktur. Þau taki hlutunum með stökustu ró og búi í sitthvoru lagi. Gisti saman nokkrar nætur í viku og láti það nægja, enn sem komið er.