Fær ekki að dæma vegna samskiptaörðugleika

Sindri Sverrisson skrifar 4. apríl 2025 15:27

Davíð Tómas Tómasson, fyrir miðju, hefur ekki dæmt neina leiki síðustu vikur. vísir/Diego

Jón Bender, formaður dómaranefndar KKÍ, hefur nú upplýst hvers vegna einn besti körfuboltadómari landsins hefur hvergi verið sýnilegur í stórleikjum undanfarið og í upphafi úrslitakeppni Bónus-deildanna.

„Ég get staðfest að Davíð hefur verið tekinn af niðurröðun á leiki, ótímabundið, vegna samskiptaörðugleika við dómaranefnd,“ segir Jón í stuttu samtali við Vísi.

Það hefur vakið athygli að kraftar Davíðs Tómasar Tómassonar, alþjóðadómara sem í vetur hefur dæmt fjölda leikja erlendis í alþjóðlegum keppnum, skuli ekki vera nýttir til að dæma í úrslitakeppninni á Íslandi.

Jón hefur ekki viljað tjá sig um málið við Vísi í vikunni, það er að segja ekki fyrr en í dag, eftir fund sem Davíð var boðaður á hjá dómaranefnd, í húsakynnum KKÍ. Þar staðfesti hann að Davíð hefði ekki verið settur á leiki síðan í undanúrslitum VÍS-bikarsins í mars - leik sem Davíð mun reyndar á endanum ekki hafa getað dæmt vegna veikinda.

Jón segist ekki geta tjáð sig um það í hverju samskiptaörðugleikarnir við Davíð felist. Aðspurður hvort til greina komi, eftir fundinn í dag, að Davíð dæmi í úrslitakeppninni kveðst Jón aðeins geta sagt það að um sé að ræða ótímabundna ráðstöfun.

Átta liða úrslit kvenna halda áfram í dag og á morgun en leikur tvö í átta liða úrslitum karla er svo á sunnudag og mánudag.

Úrslitakeppni kvenna:

Leikur 2
Föstudagur 4. apríl
19.00 Tindastóll - Keflavík
19.30 Grindavík - Haukar
Laugardagur 5. apríl
18.15 Stjarnan - Njarðvík
19.00 Valur - Þór Ak.
-
Leikur 3
Þriðjudagur 8. apríl
19.00 Keflavík - Tindastóll
19.30 Haukar - Grindavík
Miðvikudagur 9. apríl
19.00 Þór Ak. - Valur
19.30 Njarðvík - Stjarnan

Leikir 4, ef þarf, eru 12. og 13. apríl en oddaleikir 16. apríl.

Úrslitakeppni karla:

Leikur 2
Sunnudagur 6. apríl
19.00 Grindavík - Valur
19.30 Keflavík - Tindastóll
Mánudagur 7. apríl
19.00 ÍR - Stjarnan
19.30 Álftanes - Njarðvík
-
Leikur 3
Fimmtudagur 10. apríl
19.00 Tindastóll - Keflavík
19.30 Valur - Grindavík
Föstudagur 11. apríl
19.00 Stjarnan - ÍR
19.30 Njarðvík - Álftanes

Leikir 4, ef þarf, eru 14. og 15. apríl en oddaleikir 18. apríl.

Bónus-deild karla Bónus-deild kvenna Körfubolti

Tengdar fréttir

Einn besti dómari landsins fær ekki leik

Athygli vekur að Davíð Tómas Tómasson, einn fremsti körfuboltadómari landsins, er ekki á meðal þeirra sem fá að dæma í fyrstu umferð úrslitakeppni Bónus-deildar karla.

2. apríl 2025 13:16

Mest lesið

Fleiri fréttir