Ein­hleypan: Ást þegar manni er tekið eins og maður er

Patrekur Jaime vakti fyrst athygli hér á landi árið 2017 á samfélagsmiðlinum Snapchat og var andlit raunveruleikaþáttanna Æði á Stöð 2 sem spannaði fimm seríur og sigraði hjörtu margra áhorfenda. Með honum í þáttunum voru Bassi Maraj, Binni Glee og tvíburnarnir Gunnar Skírnir og Sæmundur.

Patti, eins og hann er kallaður, hefur heillað marga upp úr skónum með sinni hispurslausu framkomu, fágaða útliti og skemmtilega húmor og frösum. 

Patrekur Jaime situr fyrir svörum í viðtalsliðnum Einhleypan á Vísi.

Hver er Patrekur? Ég er bara Patrekur Jaime, period. 

Aldur? 25 ára.

Starf? Sjónvarp, áhrifavaldast, aðhlynning á Hrafnistu.

Áhugamál? Ég elska að ferðast og eyða tíma með góðum vinum.

Aldur í anda? 22 ára.

Talar þú stundum um þig í þriðju persónu? Já mjög oft.

Hvernig myndir þú lýsa þér í þremur orðum? 

Öruggur, hress, ævintýragjarn. 

Hvernig myndu vinir þínir lýsa þér í þremur orðum? Fyndinn, ákveðinn og félagslyndur.

Býrðu yfir einhverjum leyndum hæfileikum? Nei, ég er ekki svo heppinn. 

Ef þú værir dýr hvaða værir þú þá? Ég væri lowkey Ugla.

Hvað myndi sjálfsævisagan þín heita? 

Rugl, vitleysa og stuð.

Ertu A eða B týpa? Það fer eftir dögum.

Hvernig viltu eggin þín? Linsoðin.

Hvernig viltu kaffið þitt? Svart.

Guilty pleasure kvikmynd? Dream girls.

Hvað ertu að hámhorfa á? Married to medicine.

Syngur þú í sturtu? Já, gera það ekki flestir?

Hvað finnst þér leiðinlegast að gera? Að þvo þvott, mér finnst það met leiðinlegt.

Hvað finnst þér skemmtilegast að gera? Ég elska að fara út að borða með rétta fólkinu.

Hvaða persónueiginleikar finnast þér heillandi? 

Ákveðinn, uppátækjasamur, hreinlæti.

En óheillandi? Vesen, óöryggi, alltaf í fýlu.

Þegar þú ferð út að skemmta þér, á hvaða staði ferðu? Kjarval, Tipsy og Auto. 

Uppáhalds snjallforritið (e.app) þitt? Snapchat.

Ertu á stefnumótaforritum? Ég er á Raya, svona on og off, en finnst samt búið að eyðileggja það því það er eins og allir komist inn á það í dag.

Draumastefnumótið? Food class á Ítaliu. 

Hvað er ást... Einhver sem tekur manni eins og maður er.

Ertu með einhvern bucket lista? Engan klikkaðan meira bara svona hvert mig langar að ferðast.

Hvar sérðu þig eftir tíu ár? Ég hef ekki hugmynd. Mér finnst allt breytast svo hratt svo ég get eiginlega ekki ímyndað mér það.

Einhleypan er fastur liður á Lífinu á Vísi. Endilega sendið ábendingar um einstaklinga sem gætu átt heima í Einhleypunni á svavam@stod2.is.