Dæmd í bann fyrir að klípa í klof

Atvikið átti sér stað á fimmtándu mínútu nágrannaslagsins. León og Daniela Caracas áttu í orðaskiptum sem enduðu með því að Leon kleip í klof Caracas, eins og sjá má á meðfylgjandi myndbandi.

Leikurinn fór fram í febrúar og málið hefur verið á borði aganefndar spænska knattspyrnusambandsins, þar til úrskurðað var um tveggja leikja bann í gær. Mapi León mun missa af deildarleikjum gegn Atlético Madrid og Sevilla.

Barcelona áfrýjaði banninu en var hafnað, félagið hefur hótað því að fara með málið fyrir alþjóðaíþróttadómstólinn. León sendi sjálf frá sér yfirlýsingu fljótlega eftir leikinn þar sem hún hafnaði því alfarið að hafa snert Caracas á óviðeigandi hátt og hótaði að lögsækja aðila sem héldu öðru fram.

Espanyol sagði Caracas hafa orðið fyrir miklu áreiti á samfélagsmiðlum eftir atvikið en hún nyti fulls stuðnings félagsins.