Enski boltinn

Leeds og Burnl­ey skrefi nær ensku úr­vals­deildinni

Runólfur Trausti Þórhallsson skrifar
Scott Parker, þjálfari Burnley, fagnar með leikmönnum sínum.
Scott Parker, þjálfari Burnley, fagnar með leikmönnum sínum. Jonathan Brady/Getty Images

Leeds United og Burnely eru skrefi nær því að tryggja sér sæti í ensku úrvalsdeild karla í knattspyrnu á næstu leiktíð. Bæði lið eru með 91 stig og fimm stiga forystu á Sheffield United sem er í 3. sæti.

Burnley kom til baka eftir að lenda undir gegn Watford. Mamadou Doumbia kom Watford yfir snemma leiks en Zian Flemming jafnaði metin fyrir lok fyrri hálfleiks. Josh Brownhill skoraði sigurmark Burnley á 58. mínútu.

Watford endaði með leikinn með níu leikmenn þar sem Moussa Sissoko og Edo Kayembe voru sendir af velli eftir að fá sitt annað gula spjald.

Manor Solomon skoraði eina mark Leeds United í 1-0 útisigri á Oxford United. Sigurinn lyftir Leeds á topp deildarinnar þar sem liðið er með betri markatölu en Burnley.

Fótbolti Enski boltinn

Mest lesið


Fleiri fréttir

Sjá meira


×

Mest lesið