Höfðu betur eftir fram­lengdan leik

Óðinn Þór kann vel við sig í Sviss og er ljóst að Kadetten stefnir á ekkert annað en sigur þar í landi. Til að standa uppi sem svissneskur meistari þarf Kadetten að fara í gegnum lið eins og Suhr Aarau.

Leikur dagsins var hnífjafn frá upphafi til enda og staðan jöfn 27-27 á þeim tímapunkti. Því þurfti að framlengja. Þar reyndust heimamenn í Kadetten betri aðilinn, lokatölur 34-32 í æsispennandi leik. Óðinn Þór stóð fyrir sínu og skoraði fimm mörk.

Vinna þarf þrjá leiki til að komast í úrslitaeinvígið. Næsti leikur liðanna fer fram á miðvikudaginn kemur.