Not­endur þurfi að bregðast við vilji þeir ekki að gögn verði notuð

Í tilkynningu þess efnis á vef Persónuverndar segir að notkunin nái til alls efnis sem hefur verið gert opinbert á þessum miðlum, bæði nýs efnis og þess sem þegar hefur verið birt.

Írar töfðu áformin

Áætlað hafi verið að hefja þjálfunina árið 2024, en þeirri ákvörðun hafi verið frestað eftir að írska persónuverndarstofnunin, sem hafi eftirlit með Meta í Evrópu, gerði athugasemdir við lagagrundvöll og skort á gagnsæi. Nú hafi Meta innleitt einfaldara ferli sem geri notendum kleift að andmæla því að gögn þeirra séu notuð.

Frestur til loka maí

Allir evrópskir notendur Facebook og Instagram sem náð hafa 18 ára aldri muni fá tilkynningu um þessa breytingu frá Meta og upplýsingar um hvernig hægt er að andmæla vinnslunni. Ef engin andmæli berast, teljist vinnslan samþykkt. 

Þeir sem vilji koma í veg fyrir að gögn þeirra séu notuð í þjálfun gervigreindar verði að andmæla formlega fyrir lok maí 2025. Að öðrum kosti gæti efnið þeirra þegar verið orðið hluti af þjálfunargögnum sem ekki sé hægt að fjarlægja aftur.