Rikki G og Val­dís eiga von á barni

Frá þessu greina hjónin á samfélagsmiðlum, en fyrir eiga þau eina stúlku.

„Eftir mikið ferli og mikla þolinmæði stækkar fjölskyldan síðar á árinu,“ segir í færslu Rikka.

Rikki G sér um morgunþáttinn Brennsluna á FM957 ásamt Agli Ploder, en hann var einnig dagskrárstjóri FM957 í ellefu ár, þangað til hann sagði starfi sínu lausu í vor. Greint var frá því að hann ætlaði sér að taka þátt í umfjöllun Stöðvar 2 um enska boltann í haust.

Ríkharð ræddi samband sitt við eiginkonu sína Valdísi á einlægum nótum í Einkalífinu á Vísi fyrir þremur árum. Hann sagði frá því að þau hefðu verið saman frá árinu 2005 þegar hún var sautján og hann tvítugur, og ekki verið aðskilin síðan.