Fótbolti

Glódís rústaði Guð­rúnu og Ísa­bellu í sjö manna bolta

Ágúst Orri Arnarson skrifar
Glódís Perla fagnar fyrsta marki dagsins með markaskoraranum Momoko Tanikawa.
Glódís Perla fagnar fyrsta marki dagsins með markaskoraranum Momoko Tanikawa. Gualter Fatia/World Sevens Football via Getty Images

Glódís Perla Viggósdóttir, Guðrún Arnardóttir og Ísabella Sara Tryggvadóttir, landsliðskonur í fótbolta, mættust með félagsliðum sínum Bayern Munchen og Rosengard á skemmtilegu móti þar sem aðeins sjö leikmenn eru í hverju liði. Glódís og stöllur í Bayern báru 4-0 sigur úr býtum.

Átta af betri kvenna­liðum Evrópu taka þátt á þessu fyrsta móti World Se­vens sem er haldið í Estor­il í Portúgal. Lið á borð við Manchester City og Manchester United frá Eng­landi, PSG frá Frakk­landi, Ajax frá Hollandi, Roma frá Ítalíu, Ben­fi­ca frá Portúgal, Svíþjóðar­meistarar Rosengård og Þýska­land­smeistarar Bayern Munchen.

Bayern og Rosengard mættust í átta liða úrslitum í dag. Guðrún Arnar­dóttir og Ísa­bella Sara Tryggva­dóttir voru í leik­manna­hópi Rosengård og í leik­manna­hópi Bayern Munchen var að finna ís­lenska lands­liðs­fyrir­liðann Glódísi Perlu Viggós­dóttur. 

Leiknum lauk með öruggum 4-0 sigri Bayern, sem er komið í undanúrslit. Mörk leiksins má sjá hér fyrir neðan. 

Til mikils er að vinna á mótinu. Heildar­verð­launafé er 5 milljónir Bandaríkja­dala, jafn­virði um 644 milljóna íslenskra króna. Hvert félag fær að lág­marki 17 milljónir króna og mest er hægt að fá um 335 milljónir króna með því að vinna mótið.

Þýski boltinn Norski boltinn

Tengdar fréttir

Mest lesið


Fleiri fréttir

Sjá meira


×

Mest lesið