Fyrr­verandi leik­maður Man. Utd hlaut fjór­tán mánaða dóm

Williams, sem er 24 ára, sást aka Audi A3 bifreið sinni með háskalegum hætti í nágrenni Manchester-borgar og mun hafa verið með blöðru í munnvikinu til að neyta gass. Hann keyrði svo utan í Ford Fiesta bíl, út fyrir veginn og klessti bílinn sinn.

Dómara þótti sannað að Williams, sem var með konu sem farþega í bílnum, hefði ekið glæfralega enda var hann á 159 km/klst hraða þar sem hámarkshraði var um 112 km/klst.

Williams játaði sök og hlaut eins og fyrr segir fjórtán mánaða dóm auk þess að vera sviptur ökuréttindum næstu þrjú árin og þurfa að sinna samfélagsþjónustu í 180 klukkustundir. Hann sleppur þó við að sitja inn ef hann heldur skilorð næstu tvö árin.

Williams yfirgaf Manchester United í júní í fyrra þegar samningur hans við félagið rann út.