Salah bestur og Gravenberch besti ungi

Salah var einnig valinn bestur af leikmönnum ensku úrvalsdeildarinnar og blaðamönnum. Hann hefur átt frábært tímabil með Liverpool og hefur bæði skorað flest mörk (28) og gefið flestar stoðsendingar (18) í deildinni.

Þetta er í annað sinn sem Salah er valinn bestur hjá ensku úrvalsdeildinni en hann fékk þessi verðlaun einnig 2017-18, fyrsta tímabil hans hjá Liverpool. Fjórir aðrir leikmenn hafa fengið þessa viðurkenningu í tvígang; Thierry Henry, Cristiano Ronaldo, Nemanja Vidic og Kevin De Bruyne.

Gravenberch hefur spilað einkar vel með Liverpool í vetur og verið í stóru hlutverki á miðju Rauða hersins.

Byrjað var að veita þessi verðlaun tímabilið 2019-20 en þá fékk Trent Alexander-Arnold þau.