Skrifar undir fimm ára samning við Liver­pool

Það er félags­skiptasér­fræðingurinn Fabrizio Roma­no sem kemur með þessar fréttir núna í morgun en Frimpong, sem er fjöl­hæfur bak­vörður hefur staðist læknis­skoðun hjá liðinu og skrifað undir alla pappíra hjá Liver­pool og er nú bara beðið eftir til­kynningu frá félaginu.

Frimpong er 24 ára gamall Hollendingur sem spilaði undir stjórn fyrr­verandi leik­manns Liver­pool, Xabi Alonos, hjá Bayer Le­verku­sen. Hann varð tvöfaldur meistari með liðinu tíma­bilið 2023/24 og á að baki 190 leiki fyrir aðallið félagsins og hefur þar skorað 30 mörk sem og gefið 44 stoð­sendingar.

Frimpong þekkir vel til á Eng­landi, hann var áður á mála hjá Manchester City og var hluti af akademíu liðsins áður en að hann tók skrefið til Skot­lands og lék þar með Celtic.

Talið er að Liver­pool greiði um 35 milljónir evra fyrir leik­manninn og eins og áður sagði skrifar hann undir fimm ára samning hjá félaginu.