Tottenham lætur fimm fara og festir fyrstu kaup sumarsins

Varamarkmennirnir Fraser Forster og Alfie Whiteman eru á förum, ásamt vinstri bakverðinum Sergio Reguilon. Samningar þeirra þriggja runnu út og ákveðið var að endursemja ekki, líkt og með lánssamning Timo Werner, sem er á leið aftur til RB Leipzig í Þýskalandi.

Þá greindi Tottenham frá því að Pierre-Emile Höjberg hefði verið seldur til Marseille í Frakklandi, þar sem hann hefur verið á láni síðan í janúar. Kaupverðið er talið vera um sautján milljónir punda.

Kevin Danso var síðan keyptur á um 21 milljón punda og gerði fimm ára samning við félagið.

Danso hefur verið að láni hjá Tottenham síðan í janúar, ekki í stóru hlutverki en spilaði töluvert í deildinni þegar verið var að hvíla aðra leikmenn í kringum Evrópuleiki liðsins. Hann kom síðan seint inn á í úrslitaleik Evrópudeildarinnar, sem Tottenham vann gegn Manchester United.

Danso er annar af tveimur leikmönnum sem Tottenham fékk lánaða í janúar. Mathys Tel kom einnig frá Bayern Munchen. Tottenham stendur til boða að kaupa hann á 45 milljónir punda en hefur ekki tilkynnt ákvörðun.