Fótbolti

Köln kaupir Ísak Berg­mann

Runólfur Trausti Þórhallsson skrifar
Ísak Bergmann Jóhannesson í leik með íslenska A-landsliðinu. Alls hefur hann spilað 33 A-landsleiki og skorað fjögur mörk.
Ísak Bergmann Jóhannesson í leik með íslenska A-landsliðinu. Alls hefur hann spilað 33 A-landsleiki og skorað fjögur mörk. Getty/Alex Nicodim

Íslenski landsliðsmaðurinn Ísak Bergmann Jóhannesson hefur samið við Köln og mun leika með liðinu í efstu deild Þýskalands á næstu leiktíð.

Í gær greindi Vísir frá að hinn 22 ára gamli Ísak Bergmann, sem hefur spilað með Fortuna Düsseldorf undanfarin misseri, væri á lið til Kölnar. Það vakti ekki mikla ánægju hjá helsta stuðningsfólki Fortuna enda Köln þeirra helsti óvinur.

Skagamaðurinn Ísak Bergmann hefur ekki látið það á sig fá og nú hefur Köln tilkynnt að hann hafi samið við félagið til ársins 2023. Kostar hann Köln um 5,5 milljónir evra eða í kringum 800 milljónir íslenskra króna. Eitthvað af þeim peningum rennur til uppeldisfélags hans ÍA í gegnum uppeldisbætur.

Köln sigraði þýsku B-deildina á nýafstaðinni leiktíð og er því nýliði í efstu deild á komandi leiktíð. Fortuna endaði hins vegar í 6. sæti.

Alls spilaði Ísak Bergmann 61 leik með Fortuna í þýsku B-deildinni. Skoraði hann 15 mörk og gaf 11 stoðsendingar.

Fótbolti Þýski boltinn

Tengdar fréttir

Ísak í einkaflugi út að semja við erkifjendurna

Ísak Bergmann Jóhannesson virðist vera á förum frá Fortuna Dusseldorf og á leið til nágrannaliðsins FC Köln, sem tryggði sér sæti í þýsku úrvalsdeildinni á síðasta tímabili. Ísak er staddur í einkaflugvél á leið til Köln, þar sem hann mun hitta stjórnarmenn félagsins og skrifa undir samning.

Mest lesið


Fleiri fréttir

Sjá meira


×

Mest lesið