Sjáðu Ron­aldo skjóta Portúgal á­fram í úr­slita­leikinn

Fyrsta mark leiksins leit dagsins ljós á 48.mínútu þegar að Fl­orian Wirtz, leik­maður Bayer Le­verku­sen sem er sterk­lega orðaður við Eng­lands­meistara Liver­pool þessa dagana, kom boltanum í netið.

For­ysta Þjóðverjanna entist svo sem ekki lengi því á 63.mínútu jafnaði Fransisco Conceiçao metin fyrir Portúgal eftir stoð­sendingu frá Rúben Dias.

Fimm mínútum eftir jöfnunar­markið var röðin síðan komin að Cristiano Ron­aldo. Hann skoraði sigur­markið eftir að hafa fengið hnit­miðaða sendingu frá Nuno Mendes inn á teig.

Þessi fjörutíu ára gamla stór­stjarna heldur áfram að bæta við mörkum á sínum ferli. Þetta 137. mark Ron­aldo fyrir Portúgalska lands­liðið og því bæting á heims­meti sem var fyrir í hans eigu. Það mun mæta sigur­vegaranum úr undanúr­slita­viður­eign Spánar og Frakk­lands í sjálfum úr­slita­leik Þjóða­deildarinnar á Alli­anz Arena á sunnu­daginn næst­komandi.

Undanúr­slita­leikur Spánar og Frakk­lands í Þjóða­deild karla í fót­bolta verður sýndur í beinni út­sendingu á Voda­fone sport rásinni í kvöld.