John Andrews: Höfum ekki þurft að pæla mikið í því

„Í seinni hálfleik spiluðum við ágætlega og skoruðum eitt gott mark. Arna Ísold skoraði sitt fyrst mark í Bestu deild kvenna og hún er einungis 15 ára gömul. Við fengum svo nokkur tækifæri í viðbót en fengum svo fjórða markið á okkur sem er mér að kenna því ég vildi ekki að liðið myndi sitja til baka og tapa 3-0 og vera öruggar. Við viljum að stelpurnar spili með stolti en ekki hræðslu og mér fannst þær gera það vel.“

Víkingar sitja í 9. sæti deildarinnar með fjögur stig. Víkingar hafa verið að spila ágætlega og segir John Andrews að það sé tímaspursmál hvenær fari að ná í betri úrslit og stig.

„Við þurfum að byrja á því að hætta að gefa auðveld mörk og við þurfum að taka meiri ábyrgð í föstum leikatriðum og við þurfum líklega að æfa varnarleikinn okkar í föstum leikatriðum betur. Síðustu ár hefur þetta verið styrkleiki hjá okkur en núna erum við að fá mörk á okkur úr föstum leikatriðum sem við höfum ekki þurft að pæla mikið í.“