Draumur Cunha rættist

Man. Utd greiddi Wolves 62,5 milljónir punda fyrir leikmanninn.

Cunha er búinn að skrifa undir fimm ára samning við félagið með möguleika á árs framlengingu.

„Það er erfitt að koma orðum að því hvernig mér líður að vera orðinn leikmaður Man. Utd,“ sagði Cunha við undirskriftina.

„Síðan ég var lítill strákur í Brasilíu að horfa á ensku úrvalsdeildina heima hjá ömmu minni hefur mig dreymt um að spila fyrir félagið. Ég vil þakka öllum sem hjálpuðu mér að láta drauminn rætast.“

Cunha skoraði 31 mark í 76 leikjum fyrir Úlfana en hann kom til félagsins frá Atletico Madrid árið 2023.