Atlético hætt við Hernandez og sýnir Robertson á­huga

Robertson er á leið inn í lokaár samning síns við Englandsmeistarana og verður væntanlega í litlu hlutverki á næsta tímabili þar sem Liverpool er að vinna í kaupum á Milos Kerkez frá Bournemouth. Skotinn hefur sjálfur ekki viljað tjá sig um framtíðina.

Nú hefur Atlético ákveðið að reyna að fá Robertson til félagsins, samkvæmt David Ornstein hjá The Athletic, sem er alla jafnan áreiðanlegur, sérstaklega þegar kemur að málefnum Liverpool.

Atlético er sagt hafa hætt við að fá Theo Hernandez, verðmiðinn sé of hár og félagið núna á höttunum eftir Robertson til að leysa vinstri bakvarðarstöðuna á næsta tímabili.

Vöntun verður á vinstri bakverði hjá Atlético, þar sem bæði Cesar Azpilicueta og Reinildo renna út á samningi þegar HM félagsliða lýkur. Javi Galan spilaði 21 leik sem vinstri bakvörður Atlético á síðasta tímabili, en þjálfari liðsins Diego Simeone er sagður sjá hann sem varaskeifu.