Segja Andra Lucas til sölu

Gent sótti Andra Lucas eftir frábæra tíma í efstu deild Danmerkur með Lyngby þar sem hann raðaði inn mörkum í liði sem átti almennt erfitt með að skapa sér færi. Í 33 leikjum í Danmörku skoraði landsliðsframherjinn 15 mörk ásamt því að gefa tvær stoðsendingar.

Gent borgaði í kjölfarið þrjár milljónir evra eða 433 milljónir íslenskar á núverandi gengi. Í Belgíu hafa hlutirnir ekki fallið með íslenska landsliðsframherjanum. Hann tók þátt í 26 af 30 deildarleikjum liðsins á nýafstaðinni leiktíð og skoraði aðeins fjögur mörk ásamt því að gefa eina stoðsendingu.

Nú greinir danski miðillinn Bold frá því að belgískir miðlar segi hinn 23 ára gamli Andri Lucas sé til sölu. Ekki kemur meira fram og ekki virðist vita hvort Gent hafi borist tilboð í leikmanninn.