Enski boltinn

Man. United sagt í við­ræðum við Ekitike sem var líka orðaður við Liverpool

Óskar Ófeigur Jónsson skrifar
Hugo Ekitike fagnar marki með Eintracht Frankfurt. Margt bendir til þess að hann spili í ensku úrvalsdeildinni á næstu leiktíð.
Hugo Ekitike fagnar marki með Eintracht Frankfurt. Margt bendir til þess að hann spili í ensku úrvalsdeildinni á næstu leiktíð. Getty/Sebastian El-Saqqa

Manchester United er að leita sér að framherja og nú er eitthvað í gangi á milli félagsins og Hugo Ekitike sem spilar með Frankfurt í Þýskalandi.

Heimildarmenn ESPN segja að forráðamenn United séu þegar komnir í viðræður við Ekitike.

United missti af Liam Delap til Chelsea og Viktor Gyökeres hefur gefið það út að hann vilji frekar fara til Arsenal en til Manchester United.

Ekitike skoraði fimmtán mörk í þýsku deildinni á síðustu leiktíð en hann er bara 22 ára gamall og hefur tíma til að bæta sinn leik mikið.

Ekitike hefur einnig verið orðaður við Liverpool sem og við Chelsea og Arsenal. Mikið var rætt um Liverpool á tímabili en sú umræða hefur síðan kólnað aftur.

United er líka að ræða málin við Bryan Mbeumo hjá Brentford sem hefur einnig verið orðaður við Tottenham.

Ruben Amorim, stjóri Manchester United, er að leita að markaskorara fyrir liðið en United skoraði bara 44 mörk í ensku úrvalsdeildinni á síðustu leiktíð. Aðeins Everton og fallliðin þrjú, skoruðu minna.

United er þegar búið að kaupa Matheus Cunha frá Wolves fyrir 62,5 milljónir punda en Amorim vill fá annan framherja til viðbótar.

Enski boltinn

Mest lesið


Fleiri fréttir

Sjá meira


×

Mest lesið