Kæra Coote vegna um­mæla sinna um Jürgen Klopp

Enska dómaranefndin rak Coote úr starfi í nóvember 2024 eftir að hafa rannsakað myndband af honum. Í myndbandinu, sem birtist á samfélagsmiðlum, þá gagnrýndi Coote harðlega Jürgen Klopp.

Coote er talinn hafa brotið reglu um háttsemi og að hann hafi hegðað sér með óboðlegum hætti. Breska ríkisútvarpið segir frá.

Coote talaði mjög illa um Liverpool og Klopp í myndbandinu og kallaði þýska knattspyrnustjórann þar ljótu nafni.

Coote vildi meina að Klopp hefði sakað hann um lygar og sagði Þjóðverjann vera hrokagikk sem hann forðaðist að ræða við.

Verði Coote fundinn sekur þá er óvíst um hvernig er hægt að refsa honum. Það er búið að reka hann úr starfi og afar ólíklegt að hann dæmi aftur á vegum enska sambandsins.

Sambandið gæti líka sektað hann en þá selt þyrfti Coote bara að borga ef hann kæmi aftur inn sem dómari.

Coote var líka settur í bann af Knattspyrnusambandi Evrópu, UEFA, til 30. júní 2026 eftir að hann myndband birtist á samfélagsmiðlum þar sem hann sást sjúga hvítt púður upp í nefið þegar hann var á UEFA hóteli á Evrópumótinu 2024.