Liverpool byrjar titilvörnina á móti Bournemouth

Englandsmeistarar Liverpool verða í eldlínunni í þessum opnunarleik á föstudagskvöldi í ágúst en þeir fá þá Bournemouth í heimsókn á Anfield. Þá verða 82 dagar liðnir frá lokaumferð síðasta tímabils.

Stórleikur fyrstu umferðarinnar verður þó án vafa leikur Manchester United og Arsenal á Old Trafford. Þau mætast á sunnudeginum.

Chelsea fær bikarmeistara Crystal Palace í heimsókn í fyrstu umferðinni, Tottenham tekur á móti Burnley og Manchester City heimsækir Úlfanna. Umferðinni líkur svo á mánudagskvöldinu með leik Leeds og Everton á Elland Road.

Tvö efstu liðin í fyrra, Liverpool og Arsenal, mætast strax á Anfield í lok ágúst og svo á Emirates í byrjun janúar.

 Arsenal tekur á móti Manchester City 20. september en liðið mætast svo í Manchester 18. eða 19. apríl.

Liverpool mætir Manchester United á Anfield í október en liðin mætast á Old Trafford í byrjun maí. City mætir á Anfield í byrjun febrúar en liðin mætast fyrst á Ethiad 8. nóvember.

Fyrsti derby slagur Everton og Liverpool verður 18. eða 19. apríl en liðin mætast fyrst á Anfield í september.

Manchester liðin mætast á Ethiad í september og á Old Trafford í janúar.  

Manchester City mætir Tottenham, Manchester United og Arsenal í fyrstu fimm umferðunum.

Lokaumferð deildarinnar fer síðan fram sunnudaginn 24. maí.  Hér má sjá allar umferðirnar. 

Allir leikirnir verða sýndir beint á sjónvarpsrásum Sýnar Sports.