Þjálfari sleppir leik vegna brúð­kaups Martins Ödegaard

Ödegaard er þó ekki í leikbanni eða veikur. Hann er aftur á móti upptekinn annars staðar.

Sonur hans, Martin Ödegaard, er nefnilega að fara giftast Helene Spilling þennan dag og pabbinn ætlar að sjálfsögðu ekki að missa af því.

Martin og Helene eignuðust sitt fyrsta barn í desember og nú er komið að því að bindast hjúskaparböndum.

Martin Ödegaard hafði auðvitað ekki margir vikur í sumarfrí enda nýbúinn að klára landsliðsverkefni með Noregi og svo byrjar undirbúningstímabilið fljótlega með Arsenal. Það er stutt frí hjá bestu fótboltamönnum heims.

Staðarblaðið Romerikes Blad greindi fyrst frá fjarveru aðalþjálfarans.

Hans Erik Ödegaard er 51 árs gamall og hefur verið þjálfari Lilleström síðan í desember á síðasta ári. Áður þjálfaði hann Sandefjord í fjögur tímabil.