At­vinnu­leysi minnkar lítil­lega

Í tilkynningu á vef Hagstofunnar segir að í maí hafi atvinnuleysi verið 3,1 prósent samkvæmt árstíðaleiðréttum niðurstöðum vinnumarkaðsrannsóknar Hagstofunnar. 

Árstíðaleiðrétt hlutfall starfandi hafi verið 78,6 prósent og atvinnuþátttaka 81,1 prósent. Árstíðaleiðrétt atvinnuleysi hafi minnkað um 0,2 prósentustig á milli mánaða. Hlutfall starfandi hafi nánast staðið í stað og atvinnuþátttaka dregist lítillega saman eða um 0,3 prósentustig.

Samkvæmt mælingu hafi 10.700 einstaklingar á aldrinum 16 til 74 ára atvinnulausir í maí og mælt atvinnuleysi 4,5 prósent, atvinnuþátttaka 82,3 prósent og hlutfall starfandi hafi samkvæmt mælingu verið 78,6 prósent.