Allt­of margir sem sitja eftir með sárt ennið

Nýr pallur, heitur pottur og ný eldhúsinnrétting. Þetta eru allt hlutir sem skipta máli í brunabótamati en langflestir hafa ekki fyrir því að sækja um uppfært brunabótamat eftir framkvæmdir heima fyrir. 

Það voru jarðhræringar í Grindavík sem urðu til þess að Húsnæðis- og mannvirkjastofnun (HMS) lagðist í athugun á nýju mati á brunabótatryggingum Íslendinga en í ljós kom að nær öll hús í eigu einstaklinga í bænum voru með of lágt brunabótamat og nam skekkjan að meðaltali um tíu prósentum en í mörgum tilvikum var munurinn meiri. Það er mat stofnunarinnar að gera megi ráð fyrir því að brunabótamat alls húsnæðis á Íslandi sé vanmetið um fjögur til átta prósent.

„Almenningur er ekki nægjanlega meðvitaður um það að það þarf að hafa frumkvæði til þess að endurmeta eignir ef farið er í verulegt viðhald eða endurbætur eða stækkun eigna,“ segir Tryggvi Már Ingvarsson, framkvæmdastjóri fasteigna hjá HMS.

Auðvelt sé að sækja um endurmat á brunabótamati í gegnum netið og segir Tryggvi stofnunina búa sig undir að þeim beiðnum fjölgi mikið í kjölfar kynningar vegvísisins í dag. Forstjóri VÍS segir of mörg dæmi þess að fólk siti eftir með sárt ennið í kjölfar tjóns vegna brunabótamats.

Það skiptir máli að horfa á hvert er brunabótamat minnar eignar, brunabótamat er á ábyrgð eigenda