Leik­menn í enska þurfa nú að fara í við­tal þegar þeir koma af velli

Nýir sjónvarpssamningar eru að byrja á komandi tímabili og enski boltinn er sem dæmi hér á Íslandi að færa sig frá Símanum yfir á Sýn Sport.

Ein af stóru breytingunum á aðgengi að leikmönnum er að þeir geta nú endað í viðtali þegar þeim er skipt af leikvelli.

Sjónvarpsmyndavélarnar fá einnig að taka upp í búningsklefum liðanna og ræða þar við leikmenn. Markmiðið er að færa umfjöllunina nær því sem þekkist í bandarískum íþróttum.

Heimildaþáttaraðir um ensku deildina hafa á síðustu árum sýnt margoft áhugaverðar myndir úr búningsklefunum og nú sá sjónvarpsáhorfendur einnig að sjá hvað er í gangi þar í kringum leikina.

Heimildaþættirnir hafa verið sýndir löngu seinna en nú fá áhorfendur ferskar myndir af atburðum sem eru í umræðunni.

Leikmenn þurfa því að passa sig enn betur á hvernig þeir haga sér inn i klefa.

Það er líka þekkt að sumir leikmenn eru mjög ósáttir þegar þeir eru teknir af velli. Það býður vissulega upp á mjög áhugaverð viðtöl en auðvitað munu flestir leikmenn sýna skynsemi þegar þeir fá hljóðnemann í andlitið stuttu eftir að þeir koma af velli.